Türkiyənin Ali Təhsil Şurasının sədri Erol Özvar AzTU-da olub –
1 min read![](https://zirve.info.az/wp-content/uploads/2024/03/AzTU-Turkiye-tehsil-surasi-000.jpg)
Azərbaycanda səfərdə olan Türkiyənin Ali Təhsil Şurasının sədri Erol Özvarın başçılıq etdiyi nümayəndə heyəti Azərbaycan Texniki Universitetində (AzTU) olub.
Qonaqlar elm və təhsil naziri Emin Əmrullayev və AzTU-nun rektoru Vilayət Vəliyevlə görüşüblər.
Əvvəlcə qonaqlara AzTU-da görülən işlər haqqında ətraflı məlumat verilib.
AzTU və Türkiyə universitetləri arasında mövcud əməkdaşlığın vəziyyəti, birgə həyata keçirilən layihələr və perspektivdə nəzərdə tutulan fəaliyyətlər barədə müzakirələr aparılıb.
Daha sonra qonaqlar AzTU-nun kampusunu ziyarət ediblər.